Ang GMA Network Center ay ang punong tanggapan ng GMA Network, isang pangunahing estasyong panradyo at pantelebisyon sa Pilipinas. Matatagpuan ito sa EDSA panulukan ng Timog Avenue, Diliman, Lungsod ng Quezon. Ito ang pangunahing sentrong pamproduksyon ng telebisyon at radyo ng estasyon, at ang pangunahing pasilidad pantransmisyon sa kalakhan ng Kamaynilaan. Nasa gusali ang DZBB 594 AM, Barangay LS-FM 97.1, GMA-7, at GMA News TV.